Wat sê die nuutste navorsingsresultate oor tuisonderwys? Wat van skolastiese prestasie, sosialisering, voorwaardes vir sukses in tuisonderwys, en kinders met spesiale leerbehoeftes? Hoe tuisskool ‘n mens nou eintlik? Hoe kies ek my kurrikulum en hulpbronne? Watter ondersteuning bied die Vereniging van Tuisonderwys aan my?

Wat van die verwikkelinge op die regsfront? Ons onderhandel tans met die owerheid op nasionale vlak. Die verwikkelinge in die provinsies word uitgelig - nuwe wetgewing word ook bespreek. Hoe raak dit my en my kind? Hoe kan ek probleme met die owerheid vermy? Hoe benader ek ‘n amptenaar? Wat is die rol van die Pestalozzi Trust vir regsverdediging van tuisonderwys?

Kom vra wat u wil weet! Ons help u graag antwoorde vind op u vrae!

Ervare ouers sal beskikbaar wees sodat u die verskillende kurrikula kan besigtig en praktiese wenke kan ontvang.

Registrasie: Lede van die Pestalozzi Trust regsfonds: Gratis

Lede van die Vereniging vir Tuisonderwys: R20/gesin

Nie-lede: R60/gesin

Tee en koffie sal bedien word. Kinders is welkom, maar u as ouers is verantwoordelik vir toesig en vir u eie kind se verversings. Inligtingpakkette te koop (R40). Op 4 Desember 1999 vind die Vereniging van Tuisonderwys se jaarlikse opedag plaas, waar u ook baie inligting kan inwin. Kontak ons vir besonderhede.